Ургамал судлал

  • Ургамал судлалын хамт олон 2018 он.

Ургамал судлалын мэргэшүүлэх хөтөлбөрийг үүсгэн байгуулагчид

1942 онд МУИС байгуулагдахад ургамал судлалын лекцийг Оросын нэрт ургамал судлаач А.А. Юнатов уншиж эхэлсэн бол 1955 оноос биологийн салбарын оюутнуудад ургамал судлалын хичээлүүдийг Г.С. Груздев, Ц. Даваажамц, Ц.Балдан, М. Бадам, М.Цэдэнбалжир нарын багш нар зааж байсан.

1958-1959 онд Д. Банзрагч, Ц. Жамсран нар Москвагийн ИС-ийг төгсөж ирээд биологийн тэнхимээс хариуцан заадаг ургамал судлалын хичээлүүдийг дагнан зааж, хээрийн дадлага, курсын ажил удирдаж эхэлсэн ба 1963 оны 1-р сард ургамал судлалын тэнхим байгуулагдсан түүхтэй.

  • Анх 1963 онд МУИС-ийн ургамал  сургалтын лаборатори байгуулагдснаас өнөөг хүртэл ургамал судлалын  салбарын сургалт, судалгааны үйл ажиллагаа өндөр амжилттай явагдаж ирлээ. 
  • Энэ хугацаанд МУИС-д ургамал судлаач, багш мэргэжлээр 463 гаруй оюутан суралцан төгсөж, тэдгээрээс 60 гаруй нь магистрын зэрэг хамгаалсан ба доктор 9, дэд доктор 25 төрийн шагналт хоёр, гавъяат багш хоёр төрсөн байна.
  • Ургамал судлалны мэргэшүүлэх хөтөлбөрт хамрагдсанаар тухайн суралцагч ургамлын судлалын  (дээд болон доод ургамлын ангилал зүй, ургамлын физиологи, ургамлын аймаг, ургамалжилт, ашигт ургамал) чиглэлээр гүнзгийрэн мэргэшихээс гадна биологийн багц хөтөлбөрийн бусад мэргэжлээр давхар суралцан салбар дундын хөврөх чадвар бүхий мэргэжилтэн болон төгсөх давуу талтай. Мөн холбогдох мэргэжлийн төрийн болон төрийн бус байгууллагуудад дадлага хийх, багш нарын дотоодын болон олон улсын хамтарсан төсөл, хөтөлбөр, зуны сургалтанд хамрагдах боломж нээлттэй.
  • Хөтөлбөрийн давуу тал нь: Тэргүүлэх доктор, профессор, магистр багш нараар хичээл заалгах, ургамлын цуглуулагын сан болон  орчин үеийн тоног төхөөрөмж,   материаллаг бааз бүрдсэн сургалт, судалгааны лабораториудад хичээллэх, гарын авлага, ном, сурах бичиг,  лабораторийн тоног төхөөрөмж хүртээмжтэй. Сургалт судалгааны 2 сууринд хээрийн дадлага хийх, хамтарсан төсөл хөтөлбөрт хамрагдах, сургалтын төлбөр, тэтгэлэг авах боломж өндөр. Ирээдүйд хэрэгцээ шаардлага нь өсөн нэмэгдэж буй ажлын байрны шаардлага хангахуйц мэргэжилтэн болж бэлтгэгдэнэ.

Гадаад хамтын ажиллагаа

  • АНУ-ын Филадельфийн байгалийн шинжлэлийн академи
  • Миннесотагийн байгалийн шинжлэлийн музей
  • ХБНГУ-ын Оснабрюк, Гөттинген, Люнабург, Халле, Ена, Касселийн ИС
  • Зенкенбергийн байгалийн түүхийн музей
  • Японы Бива нуур судлалын хүрээлэн , Японы Үндэсний байгалийн түүхийн музей, Цукуба ИС
  • ОХУ-ын Эрхүү, Алтай, Улаан-Үдийн ИС
  • БНХАУ-ын ШУА-ийн Ботаникийн хүрээлэн, Өвөр Монголын ИС, Шинжаан дахь Экологи-Газарзүйн  хүрээлэн
  • БНСУ-ын туйл судлалын ба биологийн нөөц судлалын хүрээлэнгийн багш, судлаачидтай хамтран ажиллаж ирлээ.

Дотоод хамтын ажиллагаа

  • БОАЖЯ
  • Ботаникийн нийнэмлэг
  • ШУА-ийн Ургамал судлалын  салбар
  • Их дээд сургуулийд /ХААИС, Монос, Этүгэн, МУБИС  гэх мэт/

Сонгон мэргэшүүлэх чиглэлүүд

  • Ургамлын аймаг
  • Дээд ургамлын ангилалзүй
  • Доод ургамлын ангилалзүй
  • Ургамлан нөмрөг, ургамалжлын судалгаа
  • Ургамлын физиологи, экофизиологи
  • Эмийн болон ашигт ургамал судлал
  • Ургамлын үржүүлэг, нөхөн сэргээлт
  • Чимэглэлийн ургамлын аж ахуй

Бэлтгэн гаргасан Ургамал судлаачид

  • Төрийн шагналтан 2.
  • Монгол улсын гавъяат багш 2
  • Доктор 30 гаруй
  • Магистр 60 гаруй
  • Бакалавр 463

Хэрэгжүүлж буй хамтарсан төсөл, судалгааны ажлууд

  • Хөдөөгийн хөгжлийг дэмжих олон улсын сангийн санхүүжилттэй “WATERCOPE” Монгол-Хятад-Германы хамтарсан төсөл
  • ХБНГУ-ын Зенкенбергийн музейтэй хамтарсан “Биологийн олон янз байдал” төсөл
  • ХБНГУ-ын Люнабургийн ИС-тай хамтарсан “Монголын хээрийн зонхилох бүлгэмдэлд ашиглалтын нөлөө ба ургамлын үйл ажиллагааны бүлгүүдийн өөрчлөлт” төсөл
  • Солонгосын Үндэсний Арборетумтай хамтарсан “Description of mongolian vascular plants” “ Монгол орны ургамлын аймаг” сэдэвт төсөл
  • Орхон-Сэлэнгийн сав газрын томоохон голуудын экологийн урсац, ашиглалтын нөөц” төсөл
  • Үлд өвсний стресс физиологи, пигментийн судалгаа, 2016-2017
  • Ургамлын агаарын бохирдолын тэсвэржилтийн индексийн судалгаа
  • Дорноговь аймгийн ургамлын аймгийн судалгаа зэрэг төсөлд оюутан залуусыг сургаж  тэтгэлэгт хамруулан ажиллаж байна.