Манай судлаачдын сүүлийн 3 жилд туурвисан нэгэн сэдэвт 4 бүтээлээс шилдгээр “Монгол ба бүс нутгийн буган хөшөөний соёл” хэмээх Ц.Төрбат, Ж.Гантулга, Н.Баярхүү, Д.Батсүх, Н.Төрбаяр, Н.Эрдэнэ-Очир, Н.Батболд, Ц.Цэлхагарав нарын хэдэн жилийн оюуны уйгагүй хүч, хөдөлмөрийн үр дүн болсон бүтээл шалгарч 2022 оны Монголын Археологичдын Холбооны нэрэмжит дээд шагнал алтан нар, сар, гал, цагаан шонхор бүхий “МӨНГӨН ЦОМ”-ын эзэд болов. Мөнгөн цомыг хүртсэн бүтээлийн эздийг Монголын нэрт археологич, Академич Д.Цэвээндорж агсны гэргий сая төгрөгөөр урамшуулсан билээ.