МУИС –д Социологийн тэнхим байгуулагдсаны 30 жилийн ой 2021 онд тохиож байна. Ойг тохиолдуулан тэнхимийг үүсгэн байгуулагч В.Отгоннасан багшийн гэр бүл, хүүхдүүд, шавь нар нь санаачлан “Ванданы Отгоннасан багшийн нэрэмжит тэтгэлэг” олгохоор болжээ. Анхны тэтгэлэгт, “Эрэл-Шийдэл 2020” үндэсний хэмжээний ОЭШХ-д илтгэл танилцуулж дэд байранд шалгарсан, сүүлийн гурван жилийн голч дүн 3,8 гэсэн амжилтаар МУИС-ийн Социологи хөтөлбөрийн дөрөвдүгээр түвшний оюутан Ганзориг овогтой Билгүүнзаяа шалгарчээ. “Ванданы Отгоннасан багшийн нэрэмжит тэтгэлэг” –ийн анхны тэтгэлэгтэн болж шалгарсан Г.Билгүүнзаяа танд баяр хүргэе.