МУИС-ийн Шинжлэх Ухааны Сургуулийн Гадаад Хэлний Төвөөс жил бүр уламжлал болгон төрийн болон хувийн хэвшлийн их, дээд сургуулиудын англи хэлний мэргэжлийн бус ангийн бакалаврын тувшний оюутнуудын дунд Шилдэг илтгэгч-илтгэлийн тэмцээн зохион байгуулдаг бөгөөд энэ удаа “ОЮУТНЫ СУРАЛЦАХУЙД ХИЙМЭЛ ОЮУН УХААНЫ НӨЛӨӨ” (The Impact of AI on Students’ Learning) сэдвээр оюутнууд англи хэлний академик ур чадвар, илтгэх авьяасаараа уралдлаа.

Тус тэмцээн нь оюутнуудын англи хэлний академик ур чадварыг хөгжүүлэх, аливаа тулгамдсан асуудлыг ул суурьтай шүүн тунгаан хэлэлцэж гарц шийдэл олох, бусдад дуу хоолойгоо хүргэх, үзэл бодлоо цэгцтэй, ойлгомжтой, өөртөө итгэлтэй илэрхийлэх чадварыг дэмжих зорилготой зохион байгууллагддаг юм. 2 үе шаттай явагдсан тэмцээний эхний шатанд нийт 15 их, дээд сургуулийн 71 оюутан өгөгдсөн сэдвийн дагуу урьдчилж бэлдсэн илтгэлээ видео хэлбэрээр илгээж оролцлоо.

Сүүлийн буюу 2 – р шатанд МУИС, АШУҮИС, МУБИС, ХААИС, Мандах ИС, ИЗОУИС зэрэг сургуулиудын 15 шилдэг илтгэгч шалгаран, тэмцээний үндсэн сэдвийн дагуу дэлгэрүүлсэн дэд сэдвүүдийг сугалах зарчмаар өөр өөрийн илтгэлийг өгөгдсөн хугацаанд бэлтгэн илтгэлээ тавьж өрсөлдлөө.

Тэмцээний 1-р байранд АШУҮИС-ын оюутан А.Эрхэс,
2-р байранд МУИС-ийн ХЗС оюутан Ө.Сувд-Эрдэнэ, ИЗОУИС-ийн оюутан Д.Содсүрэн
3-р байранд тус тус шалгарч, шагналт байранд МУИС-ийн оюутан Г.Ганцэцэг Э.Алтанзул нар орлоо.

Оролцсон, шалгарсан нийт оюутнууддаа баяр хүргэе!