Гадаад хэлний төвийн багш нар ОУХНУС-ийн Олон Улсын харилцаа хөтөлбөрийн Дипломат орчуулга 1, 2, 3 мэргэжлийн хичээлийг заадаг бөгөөд эл хичээлийг олон жил үр бүтээлтэй зааж буй туршлагатай ахлах багш Ш.Болормаа, У.Лхагвасүрэн нар хамтран Diplomatic English сурах бичгээ оюутнуудынхаа гар дээр тавьлаа. 

Сурах бичиг үндсэн хоёр хэсэг бүхий 10 хичээлтэй. Эхний дөрвөн хичээл нь олон улсын харилцааны сэдэв бүхий унших бичвэр болон бататгах дасгал; дараагийн хичээлүүдээр дипломат баримт бичиг, тэдгээрийн төрлүүдийг хэрхэн орчуулах талаар судална. Хавсралт хэсэгт олон улсын харилцаанд түгээмэл хэрэглэгддэг нэр томьёо, үг хэллэг, дипломат баримт бичгийн загвар, жишээнүүдийг багтаасан болно.