ШУС-ийн захиргааны зөвлөлийн 2022 оны 02 дугаар сарын 16-ны өдрийн өргөтгөсөн хурлын мэдээлэл
Хэлэлцсэн асуудал:
- 2021-2022 оны хичээлийн жилийн хаврын улиралд БУС, НУС, ХУС-ын тэнхимүүдэд цагаар багш авч ажиллуулах тухай
- Францын Сорбоны Их сургуулийн Урлагийн түүх ба археологийн сургалт судалгааны төвөөс Археологийн судалгааны төвтэй хамтран ажиллах гэрээ байгуулах тухай хүсэлт
- Социологи, нийгмийн ажлын тэнхимийн эрхлэгчийг томилох тухай
- Ази судлалын тэнхимийн ахлах багш, доктор Б.Ариунбайгалийн чөлөөний хугацаа дуусаж байгаа тул 2022.03.01-ний өдрөөс үргэлжлүүлэн ажиллуулах тухай
- Утга зохиол, урлаг судлалын тэнхимийн туслах ажилтан А.Цэнд-Аюуш Ирланд улсад удаан хугацаагаар үргэлжлүүлэн суралцах болсон тул 2022.02.15-ны өдрөөр тасалбар болгон ажлаас чөлөөлөгдөх тухай хүсэлт
- Утга зохиол, урлаг судлалын тэнхимийн туслах ажилтнаар А.Цэнд-Аюушийн чөлөөтэй байх хугацаанд түр орон тоонд ажиллаж буй И.Даваадоржийн ажилласан хугацааны тайланг хэлэлцүүлж, 2022.02.15-ны өдрөөс үндсэн орон тоонд ажиллуулах тухай
- МУИС болон Ховд их сургуулийн багш солилцох гэрээний дагуу 2021-2022 оны хичээлийн жилийн хаврын улиралд УЗУС-ын тэнхимд ирж ажиллах ахлах багш И.Жавхланг гэрээт ахлах багшийн орон тоонд ажиллуулах тухай
- Утга зохиол, урлаг судлалын тэнхимийн багш, доктор П.Даваапилийг ахлах багшийн зэрэглэлд дэвшүүлэн ажиллуулах тухай /2021 оны 12 сард докторын зэрэг хамгаалсан/
- Түүхийн тэнхимийн дэд профессор Э.Жигмэддорж Токиогийн Гадаад судлалын их сургуульд зочин багшаар ажилласан чөлөөний хугацаа 2022.04.01-нд дуусах тул 2022.04.01-2024.04.01 хүртэл чөлөөний хугацаагаа сунгуулах тухай хүсэлт
- Газарзүйн тэнхимийн багш, доктор Э.Алтанболдыг ахлах багшийн зэрэглэлд ажиллуулах тухай /2021 оны 12 сард докторын зэрэг хамгаалсан/
- Математикийн тэнхимийн туслах ажилтан Л.Янжинлхам Хөтөлбөр чанарын баталгаажуулалтын хэлтсийн мэргэжилтний түр орон тооны сонгон шалгаруулалтад тэнцсэн тул чөлөөлөгдөх тухай хүсэлт, шинээр тус тэнхимд туслах ажилтан орон тоо зарлуулах
- Биологийн тэнхимийн Ургамлын цуглуулгын санд лаборант авах тухай
Хурлын шийдвэр:
- 2021-2022 оны хичээлийн жилийн хаврын улиралд БУС, НУС, ХУС-ын тэнхимүүдэд цагаар багш авч ажиллуулах тухай саналыг дахин нягталж үзээд тушаал гаргуулахаар шийдвэрлэв.
- Францын Сорбоны Их сургуулийн Урлагийн түүх ба археологийн сургалт судалгааны төвөөс Археологийн судалгааны төвтэй хамтран ажиллах гэрээ байгуулах саналыг дэмжиж МУИС-д уламжлахаар шийдвэрлэв.
- Социологи, нийгмийн ажлын тэнхимийн багш нарын санал хураалтаар 100%-ийн санал авсан дэд профессор М.Батбаатарыг тус тэнхимийн эрхлэгчээр томилуулах асуудлыг МУИС-ийн захиргаанд уламжлахаар шийдвэрлэв.
- Ази судлалын тэнхимийн ахлах багш Б.Ариунбайгалийг 2022.03.01-ний өдрөөс үргэлжлүүлэн ажиллуулахаар шийдвэрлэв.
- Өөрийнх нь хүсэлтээр Утга зохиол, урлаг судлалын тэнхимийн туслах ажилтан А.Цэнд-Аюушийг 2022.02.15-ны өдрөөс ажлаас бүрмөсөн чөлөөлөхөөр шийдвэрлэв.
- Утга зохиол, урлаг судлалын тэнхимийн саналыг үндэслэн И.Даваадоржийг 2022.02.15-ны өдрөөс тус тэнхимийн туслах ажилтны үндсэн орон тоонд жинхлүүлэн ажиллуулахаар шийдвэрлэв.
- МУИС болон Ховд Их сургуулийн багш солилцох гэрээний дагуу 2021-2022 оны хичээлийн жилийн хаврын улиралд ахлах багш И.Жавхланг Утга зохиол урлаг судлалын тэнхимд, ахлах багш Ч.Билэгтмандахыг Газарзүйн тэнхимд ажиллуулахаар шийдвэрлэв.
- МУИС-д профессор, багш ажиллуулах журмын 7.4 дэх заалт, Утга зохиол, урлаг судлалын тэнхимийн багш, доктор П.Даваапил, Газарзүйн тэнхимийн багш, доктор Э.Алтанболд нарыг 2022.02.16-ны өдрөөс ахлах багшийн зэрэглэлд дэвшүүлэн ажиллуулахаар шийдвэрлэв.
- Сонгон шалгаруулалтад тэнцэж ХЧБХ-т шилжин ажиллах болсон тул Математикийн тэнхимийн туслах ажилтан Л.Янжинлхамыг 2022.02.18-ны өдрөөс ажлаас бүрэн чөлөөлж, холбогдох тэнхимийн саналыг үндэслэн тус тэнхимд туслах ажилтны 1 орон тоон дээр сонгон шалгаруулалт зарлуулахаар шийдвэрлэв.
- Биологийн тэнхимийн саналыг үндэслэн Ургамлын цуглуулгын санд 1 лаборантын орон тоо зарлуулахаар шийдвэрлэв.