Дэлхийн шилдэг 100 их сургуулиудын нэг Германы Мюнхены Их Сургуулийн профессор Лукас Лехнерт, Д-р. Д.Батнямбуу нар МУИС-д 2022 оны 09 сарын 8-ны Пүрэв гарагт зочилж Газарзүйн тэнхимийн Газарзүй, Зайнаас тандан судлал, газарзүйн мэдээллийн системийн судалгааны багийн Проф. В.Батцэнгэл, дэд проф. Г.Бямбахүү, дэд проф. Б.Сайнбуян, багш Г.Бямбабаяр нартай сургалт, судалгааны харилцан туршлага солилцон цаашид хамтран ажиллах талаар санал бодлоо хуваалцлаа.

Тус уулзалтаар Газарзүйн тэнхимийн профессорын багийн зүгээс сургалт, судалгааны холбогдох танилцуулгуудыг хийж, Профессор Лукас Лехнертийн хувьд өөрийн их сургуулийн сургалт, судалгааныхаа чиглэлээр тус тус танилцуулж, цаашид оюутан солилцоо, хамтарсан судалгаа хийх боломжуудаар харилцан яриа өрнүүлсэн чухал уулзалт болж өнгөрлөө.

Д-р. Д.Батнямбуу нь 2007-2011 оны хооронд МУИС-ийн газарзүйч мэргэжлээр төгссөн ба улмаар Мюнхены их сургуульд 2022 онд докторын зэргээ амжилттай хамгаалж үргэлжлүүлэн Пост-докторт тус сургуульдаа үргэлжлүүлэн ажиллахаар болсон. Д-р. Д.Батнямбуу болон профессор Лукас Лехнерт нарт цаашдынх ажил үйлсэд нь өндөр амжилт хүсье.

Газарзүйн тэнхим
2022.09.16