ШУС-ийн захиргааны зөвлөлийн 2023 оны 10 дугаар сарын 04-ний өдрийн хурлын мэдээлэл

Хэлэлцэх асуудал

1. Ази судлалын тэнхимийн туслах ажилтан Энхбаатарын Сарнайцэцэг нь жирэмсний амралт авах тул 2023 оны 10 дугаар сарын 29-ний өдрөөс 2024 оны 10 дугаар сарын 29-ний өдөр хүртэл түр орон тоонд туслах ажилтан зарлуулах тухай
2. Хүмүүнлэгийн ухааны салбарт үйлчлэгчийн орон тоонд 2023 оны 10 дугаар сарын 02-ны өдрөөс Мягмаржавын Пүрэвсүрэнг туршилтын 3 сарын хугацаагаар, Нийсарваагийн Бямбааг 2023 оны 10 дугаар сарын 02-ны өдрөөс 2024 оны 05 дугаар сарын 31-ний өдрийг дуустал хугацаанд гэрээгээр тус тус ажиллуулах тухай
3. Газарзүйн тэнхимийн ахлах багш Бямбын Оюунханд ОХУ-ын Новосибирск хотын Сибирийн Геосистем, ТИС-д докторын жинхэнэ хамгаалалтад орохоор явах тул 2023.11.10-25 хүртэл цалинтай чөлөө, зардал гаргуулах тухай хүсэлт
4. Биологийн тэнхимийн лаборант Бямбасүрэнгийн Нямдаваа өөрийн хүсэлтээр 2023.10.02-ны өдрөөс ажлаас чөлөөлөгдөх тухай хүсэлт
5. Лабораторийн хичээлийн бодит зардлыг тооцож, дүгнэлт гаргасан ажлын хэсгийн танилцуулга
6. Биологийн тэнхимд лаборантаар ажиллахаар бүртгүүлж сонгон шалгаруулалтын дүнгээр тэнцсэн: Г.Ариунзул, Д.Давааням, А.Ундруул, А.Намуун нарыг туршилтын хугацаагаар ажиллуулах тухай
7. Физикийн тэнхимийн Нано хиймэл дагуул хөгжүүлэлтийн лабораторийг ШУС-ийн Сургалт, судалгааны лабораториор бүртгэх, эрхлэгчээр дэд проф. Т.Төртогтохыг ажиллуулах, Сансрын даалгавар хөгжүүлэлтийн лабораторийг сургалт, судалгааны статустайгаар шинээр байгуулах, эрхлэгчээр дэд проф. Т.Бэгзсүрэнг ажиллуулах тухай.

Хурлын шийдвэр

1. Ази судлалын тэнхимийн туслах ажилтны түр орон тоон дээр сонгон шалгаруулалт зарлуулах;
2. Хүмүүнлэгийн ухааны салбарт 2023 оны 10 дугаар сарын 02-ны өдрөөс Мягмаржавын Пүрэвсүрэнг туршилтын 3 сарын хугацаагаар, Нийсарваагийн Бямбааг 2023 оны 10 дугаар сарын 02-ны өдрөөс 2024 оны 05 дугаар сарын 31-ний өдрийг дуустал хугацаанд гэрээгээр тус тус ажиллуулах /Бүрэлдэхүүн сургуулийн захирлын тушаалаар/;
3. Газарзүйн тэнхимийн ахлах багш Бямбын Оюунхандад 2023 оны 11 дүгээр сарын 10-25-ны өдрийг хүртэл цалинтай чөлөө олгож, замын зардлын 50%-ийг олгох /Бүрэлдэхүүн сургуулийн захирлын тушаалаар/;
4. Өөрийн нь хүсэлтээр Биологийн тэнхимийн лаборант Бямбасүрэнгийн Нямдавааг 2023 оны 10 дугаар сарын 02-ны өдрөөс ажлаас чөлөөлж, хөдөлмөр эрхлэлтийн харилцааг дуусгавар болгох;
5. Сонгон шалгаруулалтын дүнгээр тэнцсэн Даваагийн Даваанямыг Биологийн тэнхимийн Экологийн хөтөлбөрт; Галбадрахын Ариунзулыг Микробиологийн хөтөлбөрт, Алтангэрэлийн Ундруулыг Ургамалын цуглуулгын санд лаборантаар 2023 оны 10 дугаар сарын 04-ний өдрөөс туршилтын хугацаагаар тус тус ажиллуулах;
6. Физикийн тэнхимийн саналыг үндэслэн Нано хиймэл дагуул хөгжүүлэлтийн лабораторийг ШУС-ийн Сургалт, судалгааны лабораториор бүртгэж, эрхлэгчээр дэд профессор Түмэнжаргалын Төртогтохыг, Сансрын даалгавар хөгжүүлэлтийн лабораторийг сургалт, судалгааны статустайгаар шинээр байгуулах, эрхлэгчээр дэд профессор Түмэндэмбэрэлийн Бэгзсүрэнг томилохоор тус тус шийдвэрлэв.