Тус тэмцээнд Монгол Улсаас Олон улсын их мастер, МУИС-ийн Шинжлэх ухааны сургуулийн Хүмүүнлэгийн ухааны салбарын 2 дугаар түвшний оюутан, “Ирээдүй” даамын академийн тамирчин, Баатархүүгийн Мөнхжин амжилттай оролцсон ба 11 орны шилдэг 18 тамирчинтай өрсөлдөж , 11 оноо авснаар хүрэл медалийн болзол хангаж, коэффициентийн зөрүүгээр 8-р байранд орлоо. Ийнхүү тэрээр Монголын даамын түүхэнд насанд хүрэгчдийн ДАШТ-ий хамгийн өндөр амжилтыг үзүүлсэн тамирчин боллоо. Өмнө нь 2017 оны Эстонийн Таллинд болсон ДАШТ-д Олон Улсын Их Мастер М.Нямжаргал 10-р байранд орж байв.