Монгол улсын их сургуулийн Шинжлэх ухааны сургуулийн Хүмүүнлэгийн ухааны салбарын ахисан түвшний суралцагчдын 2025-2026 оны хичээлийн жилийн эрдэм шинжилгээний нэгдсэн хурал  2026 оны 04 сарын 28-ны өдрийн 14.00 цагт МУИС-ийн хичээлийн 2-р байрны 439 тоотод болов. Хуралд дараах илтгэлийг хэлэлцүүлж, тодорхой санал зөвлөмжийг илтгэгч тус бүрд өглөө. Үүнд:

1) Монгол Улсын санхүү, гаалийн бодлогын Хөлөнбуйр дахь хэрэгжилт (1912-1915 он)

Г.Ариунтуяа, Түүхийн тэнхимийн докторант

Удирдагч багш д-р, дэд проф. Г.Дашням

2) Говийн бүсийн ургамлыг амтлах мэдрэхүйн үүднээс танин нэрлэсний учрыг туршилтаар баталсан нь

П.Лхагважаргал, Монгол хэл, хэл шинжлэлийн тэнхимийн магистрант

Удирдагч багш д-р, проф.С.Батхишиг, д-р, проф.Ж.Батхүү

3) Дууг шинэчлэн найруулах ривөрк бүтээлийн тухайд (Born Retro төслийн жишээгээр)

З.Энхмөнх, Утга зохиол, урлаг судлалын тэнхимийн магистрант

Удирдагч багш д-р Б.Цэцэнцолмон

4) Англи, монгол хэлний /with/-тай нэгжийн хэрэглээ, ойлголтыг бичил асуулт судалгаагаар шинжлэх нь: Бакалаврын түвшний мэргэжлийн ангийн оюутнуудын жишээгээр

Б.Хулан, Гадаад хэл шинжлэлийн магистрант

Удирдагч д-р Ц.Отгонсүрэн

5) Клиникийн ширтэлт: Хүнийг обьект болгохуй ба хэлэгдээгүйг унших шинэ эпистем

Д.Авирмэд, Философи, шашин судлалын тэнхимийн докторант

Удирдагч багш д-р, дэд проф.Ц.Нямсүрэн

Түүхийн тэнхимийн докторант Г.Ариунтуяагийн илтгэл тэргүүн байранд шалгарав.

Илтгэгч нарт комиссын дарга дэд профессор Н.Алтантөгсийн санаачлагаар номын хандив цуглуулан бэлэглэв. Ахисан түвшний эрдэм шинжилгээний хуралд МУИС-ийн харьяа Монгол судлалын хүрээлэнгээс Ж.Лувсандорж 2 боть-2 иж, Д.Цэнджав 3 боть-1 иж , З.Лонжид 3 боть-1 иж , Г.Лхагвасүрэн 3 боть-1 ижийг  хандивлав. Профессор Ж.Урангуа, дэд профессор Д.Баярсайхан, доктор Д.Эрдэнэбат, доктор Б.Бямбаа нар бүтээлийн дээжээсээ хандивлав.