ШУС-ийн Захиргааны зөвлөлийн 2020 оны 5 дугаар сарын 27-ны өдрийн хурлын мэдээлэл

Хэлэлцсэн асуудал:

1. ШУС-ийн Эрдмийн зөвлөлийн үйл ажиллагааны журмын санал
2. Багшийг албан тушаалын зэрэглэлд шалгаруулах ажлын хэсгийн дүгнэлт
3. Багшид цалингүй чөлөө олгох тухай

Хурлын шийдвэр:

1. ШУС-ийн Эрдмийн зөвлөлийн журмын саналыг МУИС-ийн Эрдмийн зөвлөлийн хуралд оруулж хэлэлцүүлэхээр шийдвэрлэв.
2. “МУИС-д Профессор, багш ажиллуулах журам”-ын холбогдох заалтын дагуу материалаа бүрдүүлж, болзол хангасан Монгол хэл, хэлшинжлэлийн тэнхимийн багш Ж.Ганбаатар, Газарзүйн тэнхимийн багш С.Мөнхнаран, Химийн тэнхимийн ахлах багш Г.Оюунбилэг, Ж.Ирэхбаяр, Физикийн тэнхимийн ахлах багш Г.Мөнхбаяр, Гадаад хэлний төвийн ахлах багш Ц.Баярмаа нарыг дэд профессорын зэрэглэлд; Биологийн тэнхимийн багш Ч.Оюундарь, Геологи, геофизикийн тэнхимийн багш Б.Жавзандолгор, Т.Нарангарав, Н.Одгэрэл, Физикийн тэнхимийн багш Т.Төртогтох, Гадаад хэлний төвийн багш С.Чимэдцогзол нарыг ахлах багшийн зэрэглэлд 2020-2021 оны хичээлийн жилээс тус тус ажиллуулах ажлын хэсгийн дүгнэлт, холбогдох материалыг ЗХНГ-т хүргүүлэхээр шийдвэрлэв.
3. Чөлөө авах талаар Социологи, Нийгмийн ажлын тэнхимийн багш Т.Баярцэцэгийн хүсэлт болон тэнхимээс ирүүлсэн саналыг хэлэлцэн шийдвэрлэв.