ШУС-ийн Захиргааны зөвлөлийн 2020 оны 06 дугаар сарын 17-ны өдрийн хурлын мэдээлэл

Хэлэлцсэн асуудал:

1. 2020-2021 оны хичээлийн жилийн намрын улиралд Биологи, Математик, Антропологи-археологийн тэнхимд шинэ багш авах тухай
2. Чөлөөний хугацаа хэтрүүлсэн багш, ажилтнуудын тухай /БУС, НУС, ХУС/
3. Дадлагажигч багшийн ажлаас бүрмөсөн чөлөөлөгдөх тухай хүсэлт
4. Бусад асуудлууд

Хурлын шийдвэр:

1. Шинээр багш авах сонгон шалгаруулалтаар МУИС-д багшаар ажиллах болзол хангасан доктор Г.Оюундэлгэрийг Биологийн тэнхимд багшаар, доктор Г.Батзаяаг Математикийн тэнхимд багшаар,  Б.Жаргаланг Антропологи-археологийн тэнхимд ахлах багшаар 2020 оны 09 дүгээр сарын 01-ний өдрөөс эхлэн туршилтын 6 сарын хугацаагаар ажиллуулахаар тэнхимээс ирүүлсэн саналыг хэлэлцэн шийдвэрлэв.
2. Хөдөлмөрийн дотоод журамд заасан чөлөөний хугацааг хэтрүүлсэн нэр бүхий багш, ажилтнуудыг ажлаас бүрмөсөн чөлөөлөх тэнхимээс ирүүлсэн саналыг хэлэлцэн шийдвэрлэв.
3. Өөрийнх нь хүсэлтээр Улс төр судлалын тэнхимийн дадлагажигч багш О.Пүрэвдоржийг 2020 оны 06 дугаар сарын 15-ны өдрөөс ажлаас бүрмөсөн чөлөөлөх асуудлыг хэлэлцэн шийдвэрлэв.