МУИС-ийн ХЗС-ийн Хувийн эрх зүйн тэнхимийн зүгээс тус сургуулийн оюутны English Speaking клубтэй хамтран нийт оюутнуудын дунд Master English-2019 ээлжит тэмцээнийг 2019 оны 11-р сарын 30-ны өдөр амжилттай зохион байгуулж явууллаа.

Уг тэмцээн нь оюутнуудын англи хэлний ярих, сонсох, бичих чадвар, мэргэжлийн англи хэлний мэдлэгийг сайжруулах, англи хэл сурах эрмэлзлийг дээшлүүлэх зорилготой юм. Өдөрлөгийг нээж ХЗС-ийн тус клубын тэргүүн С.Золзаяа англи хэлний мэдлэг, ярианы чадвар ирээдүйн хуульч нар болох оюутнуудад чухал болохыг тэмдэглэн үг хэлж тэмцээнд оролцож буй оюутнуудад амжилт хүссэн. Тэмцээнд Олон улсын эрх зүйн, Эрх зүйн ангийн оюутнуудын 4 баг идэвхитэй оролцсон. Оюутнууд англи үг таах, мэргэжлийн англи хэлний мэдлэг шалгах Үндсэн Хуулийн холбогдолтой асуултанд хариулах, нэр томъёоны тодорхойлолт бичих, шинжээр нь улсын орнуудын нэрийг таах, жүжигчилсэн тоглолт тавих гэх мэт олон сонирхолтой тэмцээнд өөрсдийн англи хэлний мэдлэгээ сорьсон. Мөн хөгжөөн дэмжигчдийн дунд явуулсан тааврын тэмцээнд оюутнууд идэвхитэй оролцож бүгдийг нь урамшуулж дурсгалын зүйлс бэлэглэсэн. Тэмцээний шүүгчээр МУИС-ийн ШУС-ийн Гадаад хэлний Төвийн English Speaking клубын багш Б.Бямбасүрэн, Б.Бадамцэцэг, ХЗС-ийн төгсөгч хуульч А.Мандалмаа нар ажиллаж 1, 2 болон 3 дугаар байранд шалгарсан багууд болон дэмжигчдийн тэмцээний ялагч нарт урамшуулал гардуулсан. 1-р байранд “Simpozio” баг Б. Төрболд, Г.Энэрэл, Х.Саруул, Б.Алтансувд, Э.Aнударь; 2-р байранд “Love” баг Б.Улсболд, д.Бямба-Од, Г.Намуунаа, Б.Номуундарь, Б.Гэрэлмаа; 3-р байранд “Thunder” баг Ц.Тэнгисболд, Б.Ахмарал, Э.Номинсогоо, Д.Дэмидханд, С.Золзаяа шалгарсан.